Gjatë natës pritet të rifillojnë reshjet e shiut në tërë territorin e Republikës së Kosovës, si dhe në Maqedoninë e Veriut dhe vende-vende edhe në Shqipëri.
Nesër në Kosovë do të mbajë mot plotësisht i vranët dhe me reshje shiu. Temperaturat do të shënojnë ulje në vlerat maksimale. Reshjet e shiut do të vazhdojnë pothuajse gjatë tërë ditës me ndërprerje të ralla.
Edhe në Shqipëri, Maqedoninë Veriore dhe Mal të Zi nesër mot më i ftohtë dhe me reshje shiu. Në Shqipëri reshjet do të jenë të herëpashershme. Gjatë orëve të vona të mbrëmjes dhe natën reshjet pritet të ndërpriten në tërë rajonin.
Të mërkurën në tërë rajonin mot jostabil ku gjatë ditës dhe pasdites priten rrebeshe lokalisht të fuqishme shiu me vetëtima dhe bubullimë. Reshjet e së mërkurës edhe pse mund të përfshijnë shumë pjesë të territorit më shumë do të jenë të karakterit lokal.
Të enjtën pritet të mbajë mot kryesisht i vranët, por edhe me intervale kohore me diell. Në Shqipëri priten reshje të shpeshta dhe rrebeshe shiu, kurse në Kosove do të jetë kryesisht thatë, megjithatë mund të ketë riga të dobëta lokale shiu./Meteoballkan
