Në vazhdim të ditës së sotme në Kosovë do të fillojë depërtimi i masave ajrore të ngrohta me origjinë nga Afrika veriore, të cilat do të fuqizohen gjatë të mërkurës me kombinim me rrezet diellore do të ketë rritje të fortë të temperaturave.
Ajri i ngrohtë “afrikan” do të shoqërohet me “rërën sahariane”, ndërsa temperaturat në Shqipëri, por edhe në Kosovë mund të afrohen 30 gradë Celsius.
Në Kosovë temperaturat gjatë të mërkurën mund të arrijë deri në 27 apo 28 gradë Celsius, por kjo do të ndodhë vetëm lokalisht aty ku efekti “fen” i erërave jugore do të jetë më i theksuar. Përpos diellit do të ketë edhe vranësira të cilat do të shtohen dukshëm orëve të pasdite, por kjo nuk pengon rritjen e temperaturave.
Rritja e temperaturave do të ndjehet sidomos të Mërkurën dhe të Enjten, por të Enjten pasdite do të ketë destabilizim të fuqishëm të motit dhe pikërisht temperaturat e larta dhe ardhja e masave jo-stabile mund të gjenerojnë stuhi të fuqishme vere me vetëtima dhe bubullimë. E Enjta pasdite vonë dhe gjatë natës mund të krijojnë kushte për rrebeshe mjaft intensive sidomos në Dukagjin dhe veri të Kosovës, por edhe në shumë vise tjera.
Më në fund kemi ardhjen a ajrit më të ngrohtë dhe e mërkura pritet të jetë një ditë mjaft e nxehtë dhe me shumë rreze diellore, (por edhe vranësira) ndërsa të Enjten vonë mund të kemi destabilizim të fuqishëm të atmosferës me zhvillime të fuqishme konvektive me mundësi për rrebeshe intensive shiu me vetëtima, bubullimë dhe mundësi edhe për breshër.
E Premtja dhe fundjava me mot më stabil, por me mundësi për zhvillime të izoluara. Temperaturat do të shënojnë ulje kryesisht të lehta./MeteoBallkan
