Lajm i mirë për të gjithë ne dhe ata të cilët me padurim po i presim reshjet e shiut. Thatësia e madhe që ka përfshirë rajonin tonë siç duket do të zbutet paksa duke filluar nga nesër. Edhe pse nevojiten sasi të mëdha shiu për të zbutur thatësinë ekstreme, megjithatë këto reshje do të jenë jashtëzakonisht të mirëseardhura dhe të cilat të gjithë po i presim me padurim, posaçërisht në Kosovë. Muaji Shkurt dhe Mars ishin fatal sa iu përket reshjeve atmosferike, pra shumë të thatë.
Siç kemi theksuar edhe më herët, reshjet e dendura të shiut fillimisht do të përfshijnë Shqipërinë, duke kushtëzuar edhe rrebeshe të fuqishme lokale shiu me vetëtima dhe bubullimë. Këto reshje do të fillojnë sonte në mbrëmje për tu zgjeruar gjatë orëve të natës. Në tërë territorin e Republikës së Shqipërisë priten reshje shiu, kurse në bregdet dhe pjesë tjera priten edhe rrebeshe të fuqishme shiu me vetëtima dhe bubullimë.
Reshjet e shiut gjatë natës dhe gjatë ditës së nesërme do të përfshijnë edhe Kosovën dhe Maqedoninë e Veriut. Lajmi më i mirë vjen pikërisht për Kosovën sepse thatësia në Kosovë është jashtëzakonisht e madhe./Meteoballkan
