Vranësirat kanë përfshirë pjesë të mëdha të rajonit tonë, kurse edhe reshjet e shiut i janë afruar jugut dhe jugperëndimit të Shqipërisë. Në orët e ardhshme reshjet e shiut do të fillojnë në jug dhe jugperëndim të Shqipërisë, kurse më tutje reshjet do të përfshijnë shumicën e territorit shqiptar, Kosovën, Maqedoninë dhe Malin e Zi.
Vende-vende mund të ketë edhe rrebeshe të lokalizuara shiu me vetëtima dhe bubullimë. Reshjet e shiut në Kosovë do të fillojnë gjatë orëve të vona të natës dhe orët e hershme të mëngjesit. Priten reshje solide shiu, megjithatë ato nuk do të zgjasin shumë. Gjatë ditës së nesërme priten intervale kohore me diell, erëra mesatare deri të fuqishme jugore dhe juglindore si dhe lokalisht riga të izoluara shiu.
Nga e mërkura ngirtje e temperaturave në tërë rajonin ku mund të kemi edhe zhvillim lokal të vranësirave me ndonjë rrebesh eventual shiu me vetëtima dhe bubullimë.
Të premten priten temperatura verore, kurse në fundjavë sipas ecurive aktuale sinoptike priten rrebeshe të fuqishme lokale shiu me vetëtima dhe bubullimë si dhe ulje e temperaturave./Meteoballkan
