“Bisha e Lindjes” term ky i përdorur gjerësisht nga meteorologët evropianë sa herë ka invazion të ajrit siberik në drejtim të Evropës.
Reshjet dëborës filluan ashtu siç kemi paralajmëruar dhe gjatë orëve të ardhshme do të shtrihen në shumicën e territorit të Republikës së Kosovës. Maqedonisë së Veriut dhe shumë pjesë të Shqipërisë kontinentale.
Reshjet do të jenë jashtëzakonisht të bukura për syrin tonë dhe gjatë kalimit të frontit edhe intensive, por nuk do të zgjasin shumë. Pasi që temperaturat kanë shënuar ulje dhe do të ulën edhe më shumë pas frontit pritet krijimi i shtresave të borës, edhe pse në disa rajon simbolike por të qëndrueshme.
Ditëve të ardhshme priten ulje të theksuara të temperaturave dhe pritet depërtimi gradual i acarit siberik.
Temperaturat minimale gjatë fundjavës në viset malore mund të prekin -20 gradë Celsius, ndërsa nëpër rajone më të ulëta ato do të sillen nga -6 deri në -14 ose -15 gradë Celsius. Gjatë fundjavës në Kosovë vende-vende priten rrebeshe bore, por jo në tërë territorin, ndërsa në jug, juglindje të Shqipërisë dhe jug deri në qendër të Maqedonisë së veriut priten reshje më solide bore.
Lajmi i mirë është se acari nuk do të zgjasë shumë dhe sipas ecurive aktuale sinoptike ngritje të temperaturave dhe erëra jugore pritet të kemi afër mesit të javës tjetër. Në fund të themi se ky i ftohtë është krejtësisht normal sepse jemi në mes të dimrit./Meteoballkan
