Moti pranveror po vazhdon me temperatura reale pranverore, megjithatë nesër (e martë) do të kemi ndryshim në kushtet sinoptike edhe pse nuk priten ulje të mëdha të temperaturave.
Një ciklon së bashku me frontin e tij të ftohtë ajror do të përfshijë territoret tona të martën duke kushtëzuar shtim të konsiderueshëm të vranësirave dhe reshje shiu. Reshje bore priten vetëm në viset e larta malore.
Reshje shiu nesër (e Martë) priten në tërë rajonin duke përfshirë Kosovën, Shqipërinë Maqedoninë Veriore, Kosovën lindore dhe Malin e Zi. Reshjet do të vazhdojnë edhe gjatë natës në të mërkurën, ndërsa në orët e mëngjesit të së mërkurës do të vijnë duke u lokalizuar dhe dobësuar.
Vende-vende priten reshje paksa më intensive shiu veçanërisht në orët e mbrëmjes së nesërme si në jug dhe juglindje dhe lindje të Kosovës, disa vise të Shqipërisë dhe Maqedonisë së Veriut, lokalisht edhe në zona tjera.
Të mërkurën paradite mund të ketë reshje të lokalizuara, por moti do të ketë tendencë përmirësimi dhe kthjellimi./METEOBALLKAN
