Pas një periudhe të gjatë kohore qetësie dhe pa ciklone më në fund ka filluar aktivizimi i Mesdheut, ku në Afrikën Veriore tani kemi një sistem ajror me presion të ulët atmosferik apo ciklon. Një kohësisht nga Atlantiku përmes Evropës perëndimore do të kemi depërtimin e masave të fuqishme ajrore jo stabile në drejtim të Mesdheut.
Kjo do të shkaktojë “ekplosione ciklonike” në Mesdhe ditëve të ardhshme. Gadishullim Ballkanik do të goditet nga reshje të fuqishme shiu, vende-vende edhe stuhi të fuqishme me rrebeshe, vetëtima, bubullimë dhe breshër.
Më së shumti reshje atmosferike fillimisht do të kenë bregdeti dhe rajoni i Hercegovinës dhe i Malit të Zi, pastaj edhe bregdeti kroat dhe Sllovenia. Reshje atmosferike priten edhe në rajonet tjera por dukshëm më pak se në rajonet bregdetare. Me kalimin e ditëve edhe në Shqipëri pritet depërtimi i herëpashershëm i masave ajrore të lagshta dhe jostabile nga Mesdheu me ç;rast priten rrebeshe shiu dhe reshje shiu, posaqërisht në veriperëndim të vendit. Edhe në Kosovë priten reshje atmosferike duke filluar nga e mërkura. Reshjet do të jenë të herëpashershme edhe ditëve në vijim.
Ishte kjo një pasqyrë e përgjithshme mbi atë se çfarë na pret gjatë kësaj jave por ne do të përcjellim situatën dhe do tju njoftojmë me detaje tjera në postimet tona të ardhshme./Meteoballkan
