Greqia u zu në befasi nga bora e parë që ra në ditët e fundit të shtatorit. Pas ditëve të nxehta me temperatura deri në 36 gradë celcius vendi është mbërthyer nga i ftohti që erdhi nga veriu, njofton MeteoBallkan.
Temperaturat ranë nga 15 deri në 20 gradë celcius të cilat u pasuan edhe me erëra të fuqishme nga veriu. Erërat e stuhishme në këto ditë në Greqi janë mbi 70km / h dhe në Detin Egje arrijnë edhe mbi 100km / h.
Ajri i ftohtë që lëviz mbi sipërfaqen e ngrohtë të Detit Egje çon në formimin e reshjeve të shiut dhe në zonat malore ky fenomen sjell borë të bollshme.
Borë gjatë ditës së djeshme ka rënë në Olimp që shënon borën e parë në Greqi për këtë sezonë.
Bora në Olimp nuk është një dukuri e pazakontë për këtë pjesë të vitit, pasi maja e Olimpit ndodhet 2800 metra mbi nivelin e detit. Temperatura maksimale gjatë ditës së djeshme në pjesën më të madhe të Greqisë ishte rreth 20 ° C. /MeteoBallkan
Shikoni pamjet nga bora e parë në viset malore në Greqi:
