Cikloni i fuqishëm i cili është krijuar në Mesdhe ditëve të ardhshme do të përfshijë shumë pjesë të Gadishullit Ballkanik. Reshje të fuqishme bore priten në Kroaci, Bosnjë dhe Hercegovinë dhe Serbi, reshje bore priten edhe në Slloveni dhe Mal të Zi. Kosova dhe Shqipëria do të gjenden në sektorin e nxehtë të masës së fuqishme ciklonike.
Në Shqipëri dhe Kosovë priten reshje të dobëta bore të cilat pastaj do të shndrrohen në reshje shiu ose eventualisht do të ndërpritën fare. Në Shqipëri e sidomos në rajonet Bregdetare priten rrebeshe të fuqishme të herëpashershme shiu me vetëtima dhe bubullimë.
Cikloni do ti paralizojë Bosnjën, Kroacinë dhe Serbinë kurse lëvizja e tij do të jetë e ngadaltë dhe në këtë mënyrë ajri i nxehtë do të na mbajë pa të reshura atmosferike sidomos Kosovën dhe Maqedoninë. Të Shtunën në mbrëmje apo natën në të dielën më në fund cikloni pritet të përfshijë edhe Kosovën dhe Shqipërinë verilindore me reshje bore.
Mos pyesni një herë për sasinë e reshjeve sepse është aq e komplikuar situata sinoptike tek ne dhe kjo për shkak të ajrit të nxehtë dhe të ftohtë ku Kosova do të gjendet në kufirin mes ajrit të nxehtë dhe të ftohtë. Kjo situatë do të jetë më e qartë sonte në mbrëmje ose më së largu nesër dhe ne do të ju njoftojmë me kohë.
