Ekipi i “gjuetarëve të uraganëve” nga Administrata Kombëtare Oqeanike Atmosferike (NOAA) nga Shtetet e Bashkuara të Amerikes kanë fluturuar brenda syrit të uraganit Dorian me aeroplanin e tyre P-3 të shtunën.
Syri është qendra e uraganit apo stuhisë masive dhe nga aty mund të shihen vranësirat sikur në një arenë të madhe sportive (efekti stadium). Është pjesa më e qetë e uraganit nga ku mund të shihet edhe qielli i kaltër gjatë dites dhe yjet gjatë natës.
Përreth syrit të uraganit gjendet pjesa më e rrezikshme e stuhisë ku shihen vranësirat gjigande dhe gjenden erërat më të fuqishme destruktive uraganike. “Dorian” tani është një uragan i kategorisë së katërt dhe sipas ecurive më të fundit sinoptike ka ndryshuar pak drejtim duke shmangur pak Floridën dhe duke rrezikuar më së shumti Karolinën jugore dhe veriore./Meteoballkan
Here a look inside the clear eye of #Dorian this morning from the @HRD_AOML_NOAA Hurricane Hunter P-3 Aircraft. Picture credit Paul Chang pic.twitter.com/Yyi8OBRcBf
— National Hurricane Center (@NHC_Atlantic) August 31, 2019
