Instituti Hidrometeorologjik i Kosovës njofton se këto temperatura të larta do të vazhdojnë edhe për disa ditë ndërsa ka bërë apel për kujdes nga rrezet direkte të diellit.
Sipas IHMK-së, kjo situatë është krijuar si rezultat i masave të nxehta të ajrit me origjinë nga jugu, ndërsa në njoftim thuhet se prezenca e anticiklonit afrikan do të vazhdoj të mbetet i stacionuar mbi vendin tonë edhe në ditët vijuese, përcjell Arbresh.info.
Mes tjerash thuhet se temperaturat gjatë ditëve në vazhdim mund të kalojnë temperaturën e trupit dhe të krijohen kushte për alarmin e kuq.
“Kujdes nga rrezet direkte të diellit, sidomos nga intervali kohorë 10-17h, sepse indeksi UV ka shënuar vlera të larta. Përdorni sa më shum ujë të freskët, jo lëngje të gazuara, kapelë, syze për tu mbrojtur nga dielli, rroba me ngjyra të lehta nga pambuku ose liri. Të mos konsumojmë ushqime të ferguara, me shum yndyrë dhe ushqime të shpejta, por sa më shum ujë të thjeshtë , pemë dhe perime. Jemi në dritën e verdhë sa i perketë këtyre vlerave të larta të temperaurave, mirëpo në ditët vijuese kjo situatë meteorologjike mund të krijoj kushte edhe për alarm të kuq, sepse temperatura e ajrit kur kalon më e lartë se temperatura e trupit të njeriut {37C}, atëherë mund të shkaktojë probleme serioze në organizmin tonë”, thuhet në njoftimin e IHMK-së.
“Fushata e korrje-shirjes është në vlugun më të lartë dhe sipas fermereve rendimentet në kulturën e grurit janë të shkëlqyeshme. Një apel per qytetarët që mos t’i ndezin hamulloret (serrnishtat), sepse përpos që shkatërrojne miljona organizma ,shkaktojn rritjen e temperatrave lokale, mund ta rrezikojne edhe pronën, gjithashtu lavrimi i ceket i parcelave me hamullor do të ushqejë tokën, sepse ruhen shum materje ushqyese per kulturat që do të mbjellen në vazhdimësi. Sipas mundësive ,frekuentoni vendet me lartësi , pyjet , kodrinat , aty ku kemi më shum qarkullim të ajrit të freskët”, thuhet në fund të njoftimit.
