Cikloni i fuqishëm Gjenovian i cili tani gjendet në lindje të Kontinentit pritet të rikthehet përsëri gjatë 24 orëve të ardhshme duke përshkuar një rrugë të pazakonshme për shkak të gjendjes sinoptike.
Cikloni ka shkaktuar reshje të fuqishme në Evropën qendrore dhe pjesë të Ballkanit ku pati edhe vërshime dhe ka ende sidomos në pjesët qendrore të Evropës dhe Rumani. Përmbytje kalimtare pati edhe në disa vise tjera, ndërkohë që reshje të reja priten sepse kemi ciklonin i cili kthehet në mënyrë të pazakontë pikërisht në zonat ku ka shkaktuar reshje.
Si pasojë reshjet do të vazhdojnë në zonat pothuajse të njëjta, ndërsa në valë e re reshjesh pritet edhe në viset tona. Temperaturat do të shënojnë ulje të mëtutjeshme edhe në viset tona sepse tani do të kemi rrymime ajrore direkt nga veriu për shkak të rrugëtimit ciklonik dhe frontit të tij të fohtë. Nuk priten reshje të mëdha që mund të shkaktojnë probleme të mëdha, por reshje solide.
Pra, të dielen presim reshje të reja shiu dhe në malet më të larta do të ketë reshje bore. Në Alpet evropiane ende priten reshje bore, ndërkohë që cikloni pas “kthimit” të tij të përkohshëm largohet në lindje. Njëkohësisht në Mesdhe do të kemi krijimin e një shtjelle tjetër ciklonike e cila nuk do të lejojë përmirësimin e motit gjatë javës së re.
Pra, të dielën pritet të kemi reshje të reja shiu dhe ulje të mëtutjeshme të temperaturave. Reshjet do të dobësohen në mbrëmje dhe gjatë natës do të ndalen plotësisht.
Java e re nis me mot të ndryshueshëm, vranësira e intervale kohore me diell. Herë pas here lokalisht priten reshje shiu.
Informacione tjera në postimet tona të ardhshme./MeteoBallkan
