Shira të rrëmbyeshëm kanë përfshirë shumë pjesë të Italisë dhe më të fuqishmet janë veriperëndim të vendit ku ka vërshime dhe shumë probleme tjera që lidhen me motin e ashpër.
Cikloni shumë i fuqishëm sot është në kulminacionin e fuqisë së tij dhe pritet të fillojë të dobësohet dhe të largohet në drejtim të Kontinentit Evropian. Ndërkohë që reshje e fuqishme vazhdojnë në Itali, dhe pjesë të Zvicres dhe Evropes qendrore një sistem frontal nga ky ciklon do të vjen edhe në viset tona me rrebeshe lokale shiu me vetëtima dhe bubullimë.
Rrebeshe më intensive priten që nga qendra e Shqipërisë dhe veriu e lindja, pastaj në Dukagjin të Republikës së Kosovë, veriperëndim të Maqedonisë së Veriut dhe në fund edhe pjesët tjera të Kosovës. Në pjesë të Dukagjinit dhe zonat përreth mund të ketë reshje më intensive dhe vërshime urbane sepse mund të ndodhë që reshjet të zgjasin më shumë dhe të fillojnë më herët para sistemit frontal.
Këto erëra janë si pasojë e ndikimit të këtij cikloni dhe sistemit frontal që po afrohet dhe pritet të përfshijë tërë Kosovës gjatë orëve të nates me rrebeshe shiu me vetëtima dhe bubullimë. Rrebeshet parashihet të fillojnë më herët në Dukagjin.
Me ardhjen e frontit të fuqishëm do të ketë reshje shiu dhe ajri do të pastrohet nga grimcat e pluhurit saharian që po qëndron me ne për ditë të tëra.
Menjëherë të Premten pritet të kemi përmirësim gradual të motit me intervale kohore me diell dhe reshje të izoluara dhe më e rëndësishme ajri do të jetë dukshëm më i pastër.
Pra, para ardhjes së fronti ende me erëra dhe pluhur saharian, ndërsa pak para frontit dhe gjatë frontit reshjet do të pastrojnë sipërfaqet nga pluhuri i madh. Pas frontit do të largohet koncentrimi i pluhurit saharian dhe pritet të pastrohet edhe atmosfera./MeteoBallkan
