Pas reshjeve të natës dhe mëngjesit që lamë pas tani kemi përmirësim afatshkurtër të motit, ndërkohë një ciklon mjaft i fuqishëm po vjen nga veriu i Italisë dhe pritet të arrijë pasditen e së dieles në Kosovë dhe Shqipëri duke krijuar kushte për reshje të reja kryesisht shiu. Borë vetëm në viset malore.
Cikloni do të aktivizojë rrymimet e ngrohta ajrore në viset tona dhe për këtë arsye reshjet do të jenë në formë shiu. Rrymimet e ngrohta nga jugu do të jenë karakteristikë e këtij cikloni më të ri, ndërsa reshje bore priten në Evropë dhe ndoshta në veriperëndim të Ballkanit gjegjësisht në Slloveni. Reshje bore priten në Slloveni, pjesë të Kroacisë, pastaj në Austri dhe zonat përreth dhe në gati të gjitha rajonet alpine sepse atje do të kemi rrymime të ftohta ajrore nga veriu dhe verilindja.
Cikloni do të stacionohet në Itali duke sjellur vranësira të shpeshta dhe reshje. Reshjet më të mëdha priten pasditen ose mbrëmjen e së Dieles, ndërsa gjatë fillimit të javës së re reshjet do të vazhdojnë vetëm në disa zona të caktuara në formë të rrebesheve të herëpashershme lokale.
Pra, para nesh edhe një valë e re reshje kryesisht të shiut, ndërsa dimri vetëm në në zonat malore njëherë për njëherë. Trendi i Dhjetorëve jo shumë të ftohtë po vazhdon edhe sivjet./MeteoBallkan
