Masa mjaft të fuqishme ciklonike po mbretërojnë që nga Alpet evropiane, veriu i Italisë, Deti Adriatik e deri në brigjet e Afrikes veriore që do të thotë se jemi nën ndikimin e plotë të këtyre masave ajrore ciklonike që do të sjellin reshje të dendura atmosferike gjatë së Martës.
Përderisa në rajonet alpine evropiane fryjnë erëra të ftohta nga veriu vazhdon moti dimëror, ndërsa në viset tona cikloni ka origjinë (ose masa ajrore ciklonike që vjen të Martën) nga Afrika veriore që do të thotë se priten vetëm reshje shiu dhe erëra nga jugu dhe juglindja. Reshje bore vetëm në malet e larta.
Dita e martë do të jetë nën ndikimin absolut të masave ajrore ciklonike dhe si pasojë priten reshje të shpeshta shiu e lokalisht edhe rrebeshe shiu. Reshjet nganjëherë do të jenë mjaft intensive.
Edhe kësaj radhe mund të kemi koncentrim më të lartë të grimcave sahariane dhe pluhuri mund të përzihet me reshjet e shiut.
Në rajonet alpine-evropiane dhe vendet përreth do të ketë reshje të reja, të dendura bore që në disa zona mund të shfaqen edhe në viset e ulëta veçanërisht në Slloveni, pjesë të Austrisë, Zvicrës e Gjermanisë.
Të Mërkurën reshjet do të pushojnë, megjithatë në disa vise do të vazhdojnë në formë të rrebeshe lokale, por të pakta. Intensifikim të reshjeve presim përsëri të enjten, ndërsa nga e Premta llogarisim në përmirësim të motit dhe rritje të temperaturave. Sidoqoftë, nuk duhet përjashtuar paraqitjen e rrebesheve të izoluara, afatshkurtra të shiut edhe gjatë fundjavës./MeteoBallkan
