Cikloni i fuqishëm nga Adriatiku po zhvendoset drejt Detit Jon dhe Greqisë duke kushtëzuar reshje intensive në shumë pjesë të Shqipërisë, por shumë më pak reshje në disa vise tjera të Shqipërisë, Kosovë dhe Maqedoninë Veriore. Në shumë vise ende nuk ka asnjë pikë shiu.
Sidoqoftë, cikloni po shkon drejt Greqisë ku priten stuhi të fuqishme shiu atje, ndërsa reshje lokale shiu do të përfshijnë pjesë të Republikës së Kosovës e veqanërisht Maqedoninë Veriore, ngase territori i Maqedonisë së Veriut është më afër qendres ciklonike në ikje drejt Greqisë.
Më largimin e ciklonit drejtë Greqisë mbi territoret tona do të vendosen rrymime ajrore nga veriu e verilindja të cilat do të shkaktojnë ulje të temperaturave dhe mund të ketë edhe reshje bore në viset më të larta malore.
Gjatë ditës së nesërme reshje do të pushojnë në Shqipëri, por do të paraqiten në shumë pjesë të Kosovës, më së shumti në juglindje të Kosovës, ndërsa reshje pak më intensive nesër priten në Maqedoninë Veriore.
Gjatë fillimit të javës së re cikloni do të largohet dhe vendin e tij do të zë masat e fuqishme ajrore anticiklonike dhe për këtë arsye priten vranësira me mundësi për intervale kohore me diell dhe temperaturat do të jenë më të ulëta se ditët e kaluara, por normale për këtë periudhë kohore. Rrallë në disa vise mund të ketë riga afatshkurtra shiu e fjolla bore në malet më të larta. Me vazhdimin e javës anticikloni do të fuqizohet edhe më shumë dhe priten kthjellim gjatë ditës e mundësi për mjegull gjatë natës./MeteoBallkan
