Kontinenti evropian është nën ndikimin e masave mjaft të ndryshome ajrore me origjinë të ndryshme, por kryesose janë masat shumë të nxehta ajrore që vijnë nga Afrika veriore dhe ato të freskëta dhe jo-stabile që vijnë nga Oqeani Atlantik.
Pikëtakimi këtyre masave gjigande ajrore ka potencial për krijimin e stuhive shumë të fuqishme superqelizore që nga Gadishulli Iberik deri në Rusi. Territoret tona sipas të gjitha gjasave do të shpëtojnë nga stuhitë më intensive ngase ne do të jemi më shumë të ndikuar nga ajri i nxehtë afrikan, megjithatë ka gjasa për stuhi të izoluara në rajone të izoluara.
Stuhi mjaft të fuqishme me shiu dhe breshër parashihen që nga Portugalia, pastaj Spanja, veriu i Italisë sidomos, pastaj jugu i Gjermanisë, Zvicra, Austria, Polonia e deri në Rusi, ndërsa disa stuhi mjaft të fuqishme superqelizore mund të krijohen edhe në pjesë të Sllovenisë, Kroacisë e sidomos në Serbi, Rumani dhe Bullgari.
Në viset tona kryesisht me diell dhe shumë ngrohtë, por me mundësi për stuhi të izoluara, pra ne do të kursehemi nga stuhitë e mëdha, megjithatë disa rajone mund të preken pak a shumë.
Ajri shumë i ngrohtë që vjen nga Afrika veriore në drejtim të Evropes dhe ajri i paqëndrueshëm nga Oqeani Atlantik po ashtu në drejtim të Evropës do të krijojë potencial për krijimin e stuhive të tilla në vendet që i përmendëm më lartë gjatë ditëve të ardhshme.
Mbetet të shihet evoluimi i mëtutjeshëm i gjendjes sinoptike por sipas ecurive aktuale në viset tona nuk ka ndonjë rrezik të madh potencial, me disa përjashtime për disa zona të izoluara./MeteoBallkan
