Moti i lig që ka përfshirë dje pasdite territorin e Hanit të Elezit ka shkaktuar dëme të mëdha në bujqësi.
Kështu ka thënë për KALLXO.com drejtori i Bujqësisë në Komunën e Hanit të Elezit, Avdurraman Bushi.
“Unë sapo isha tek disa qytetarë për t’i parë dëmet dhe dëmet te sektori jonë janë shumë të mëdha, kemi shumë serra të dëmtuara dhe shumë fidane të dëmtuara” – tha ai.
Drejtori Bushi tregoi për hapat që do i ndërmarrin pas kësaj situate.“Nesër do të themelojmë komisionin për vlerësimim e dëmeve dhe tani do të vazhdojmë me procedurat e tjera” – tha Bushi për Kallxo.com.
