Kosova nuk duhet të presë ndonjë reshje signifikante deri në fund të javë dhe fillim të javës së re. Deri atëherë reshjet do të jenë krejtësisht të pakta dhe të izoluara në disa vise malore kryesisht në jug të vendit.
Zhvillime paksa më të fuqishme fillojnë nesër apo të Enjten në disa pjesë të Shqipërisë, sidomos në lindje, por edhe në viset malore në pjesët qendrore dhe jugore të vendit. Këto reshje nuk do të kapin shumë territor sepse do të jenë të izoluara, por në ato zona ku do të ndodhin lokalisht mund të jenë të fuqishme.
Stuhi të izoluara të Enjten pasdite dhe në mbrëmje priten edhe në Mal të Zi, ndërsa në Kosovë vështirë që mund të depërtojnë apo zhvillohen gjithnjë sipas ecurive aktuale sinoptike. Temperaturat do të fillojnë të zbresin në të gjithë rajonin dhe kjo do të jetë një lehtësim sadopak nga vala e gjatë dhe intensive e nxehtësisë, megjithatë ende mbetet nxehtë.
Pra, lehtësimi nga vapa ekstreme po vjen, ndërsa edhe reshjet lokale do të paraqiten, fillimisht ato do të jenë krejtësisht të izoluara dhe të pakta, por nga dita në ditë mund të përhapen gradualisht duke përfshirë edhe Kosovës krejt në fund të javës dhe në fillim të javës së re.
Fillimisht rrebeshe dhe ndonjë stuhi të izoluar do të kemi rastin të shohin në jug dhe lindje të Shqipërisë dhe atë në viset kodrinore-malore, pastaj në Mal të Zi dhe aty-këtu në perëndim të Maqedonisë së Veriut dhe thellë në jug të Kosovës. Pastaj, reshje lokale pritet të kapin edhe Kosovë krejt në fund të javë dhe fillim të javës së re.
Sigurisht nuk duhet pritet reshje të mëdha, por tipike verore. Mund të kemi rrebeshe ose stuhi intensive lokale (Të dielën dhe të Hënën), por kjo gjendje është në evoluim e sipër dhe mbetet të ndiqet./MeteoBallkan
