Dimri i sivjetshëm ishte jashtëzakonisht i butë dhe ekstremisht i thatë në kuptimin e të reshurave të dëborës. Ishte një ndër dimrat më të butë dhe pa reshje dëbore në mbamendje.
Megjithatë natyra nganjëherë i ka mënyrat e veta për kompensim dhe balancim dhe pikërisht kjo pritet të ndodhë nga e diela vonë dhe e hëna ku pritet të kemi një masë të fuqishme të ftohtë ajrore nga lindja e Kontinentit e cila do të depërtojë direkt në drejtim të Gadishullin Ballkanik.
“Përgjegjës” për këtë gjendje sinoptike do të jetë anticikloni i fuqishëm i cili do të krijohet në Skandinavi dhe nga periferia e këtij anticikloni do të hapet një korridor për depërtimin e masës së fuqishme të ftohtë ajrore me origjinë polare në drejtim të rajonit tonë. Në anën tjetër në brigjet e Afrikës Veriore dhe Mesdhe do të krijohen disa vorbulla ciklonike të cilat do të na sjellin reshje të herëpashershme atmosferike.
Në pothuajse tërë Gadishullin Ballkanik priten reshje bore, vende-vende reshjet e borës do të jenë mjaft të dendura siDomos në Rumani dhe Bullgari. Reshje të dendura bore priten edhe në Maqedoninë e Veriut. Serbi, Bosnjë dhe Hercegovinë, Kroaci, Slloveni etj.
Reshje dëbore do të ketë edhe në Kosovë dhe pritet të krijohen edhe shtresa në shumicën e territorit, kurse reshje më të dendura bore pritet të ketë në juglindje të Kosovës.
Sidoqoftë disa ndryshime ende do të ndodhin dhe ne do ju njoftojmë në postimet tona të ardhshme.
