Sot në Kosovë do të mbajë mot me intervale kohore me diell dhe vranësira të pakta. Do të jetë më ngrohtë për shkak të fuqizimit të masave të nxehta ajrore. Gjithashtu priten edhe erëra mesatare e në disa rajone edhe të fuqishme jugore dhe jugperëndimore.
Edhe në Shqipëri, Maqedoninë Veriore dhe Mal të Zi do të mbajë mot kryesisht me diell dhe vranësira të pakta. Do të jetë edhe më nxehtë, por vende-vende me erëra jugore.
Nesër në përgjithësi pritet mot më i paqëndrueshëm. Në Kosovë do të ketë erëra herë pas here të fuqishme jugore dhe në disa rajone edhe rrebeshe afatshkurtra shiu me ndonjë vetëtimë dhe bubullimë.
Në Shqipëri nesër pasdite priten zhvillime të vranësirave konvektive të cilat në shumë rajone do të sjellin rrebeshe të izoluara por të fuqishme shiu me vetëtima dhe bubullimë, veçanërisht në qendër dhe veriperëndim të vendit.
Edhe në Maqedoninë Veriore dhe Mal të Zi nesër pritet të mbajë mot me intervale kohore me diell dhe vende-vende me ndonjë rrebesh shiu me vetëtima dhe bubullimë.
Mot i ngjashëm pritet edhe të enjten dhe të premten në tërë rajonin, pra priten intervale kohore me diell, vranësira kalimtare, erëra herë pas here të fuqishme jugore dhe juglindore si dhe mundësi për ndonjë rigë apo rrebesh të izoluar shiu me vetëtima dhe bubullimë.
Sipas ecurive aktuale rrebeshe më intensive dhe më përfshirëse shiu me vetëtima dhe bubullimë na presin në fundjavë/Meteoballkan
