Pas një kohe relativisht të gjatë më në fund do të kemi një stabilizim të plotë por afatshkurtër të motit në rajonin tonë. Pa, siç paralajmëruar edhe në postimet tona paraprake që nga dita e sotme ka filluar përmirësimi i dukshëm i motit dhe kjo vjen si pasojë e depërtimit të një mase ajrore stabile anticiklonike nga Mesdheu.
Kjo masë ajrore përmban në vehte edhe temperatura të larta pranverore, kështu që dita e nesërme dhe e premta do të jenë ditë me shumë diell dhe temperatura mbi 20 gradë Celsius në shumë pjesë të rajonit tonë.
Megjithatë moti i mirë nuk pritet të zgjasë shumë, sepse nga e shtuna do të kemi depërtimin e një fronti të ftohtë ajror nga veriu dhe verilindja i cili do të na sjellë reshje atmosferike, ulje të temperaturave, reshje dëbore në viset kodrinore-malore si dhe mundësi për reshje bore edhe në disa ultësira të Kosovës dhe Maqedonisë së Veriut./Meteoballkan
