Edhe sonte gjatë natës do të jemi nën ndikimin e masave mjaft të ftohta ajrore që vijnë nga verilindja dhe lindja e Evropes, por fatmirësisht ne jemi në periferi të këtyre masave të acarta Siberike. Shumë më ftohtë është në Bullgari, Rumani dhe Ukrainë, pastaj sistemi po zhvendoset drejtë Turqisë ku pritet të bije bora më e madhe.
Territoret tona do të jenë në periferi të këtyre masave të ftohta ajrore dhe për viset plotësisht të thata. Acari Siberik do të vazhdojë edhe disa netë dhe do të zbutet natën mes së Shtunës dhe së Dieles.
Të Dielen masa paksa më të ngrohta nga Atlantiku depërtojnë në Ballkan duke zhvendosur masen e ftohtë Siberike thellë në lindje drejt Euroazisë.
Sonte temperaturat në Kosovë pritet të zbresin prapë deri në -10 gradë Celsius, vende-vende edhe deri në -12 apo -13 gradë Celsius, ndërsa në malet e larta do të jetë edhe më acar.
Edhe dy netët e ardhshme do të jenë me acar Siberik, pastaj mund të llogarisim në zbujten e tij dhe largimin përfundimtar ku do të krijohen kushte për reshje kryesisht të pakta lokale.
Gjatë javës së re do të jemi nën ndikimin e masave dukshëm më të ngrohta ajrore krahasuar me këtë javë, me mundësi për ndonjë reshje të herëpashershme./MeteoBallkan
