Sipas modelit më të saktë në botë ECMWF ditën e mërkurë në Kosovë do të kemi zbritje të ndjeshme të temperaturave, erëra mesatarisht të fuqishme veriore dhe reshje bore. Reshjet e borës do të jenë më të theksuara në qendër, lindje, verilindje si dhe në viset kodrinore-malore të vendit ku edhe do të krijohen shtresa bore por jo të mëdha, kurse rajoni i Dukagjinit përsëri do të mbetet me reshje të dobëta bore.
Reshje bore nuk parashihen (me ndonjë përjashtim ku priten reshje të dobëta bore) as në Maqedoni dhe Shqipëri sipas parashikimeve të sontme, por ende asgjë nuk është përfunditare dhe se këto analiza do të pësojnë përsëri ndryshime por jo të mëdha. Sipas këtyre analizave Bosnja dhe Hercegovina, Serbia qendrore e sidomos juglindore, Bullgaria dhe Rumania përsëri do të përfshihen nga stuhi dëbore dhe reshje të dendura bore./ Meteoballkan.
