Rajoni ynë ende gjendet nën ndikimin e masave ajrore relativisht të ftohta që vijnë nga verilindja e kontinentit dhe si pasojë kemi edhe erëra veriore të cilat ditën e nesërme në disa rajone të Kosovës do të jenë të fuqishme posaqërisht në qendër dhe lindje të vendit. Këto masa ajrore janë të ftohta dhe gjatë natës nëse moti kthjellohet dhe nuk ka erëra ka potencial për ngrica, megjithatë ka shpresë se do të kemi disa vranësira dhe erëra eventuale.
Erërat veriore dhe verilindore mbi rajonin tonë dë të jenë dominante edhe ditën e shtunë edhe pse temperaturat do të fillojnë të ngriten, kurse nga e diela erërat do të dobësohen dhe do të ketë tendenca që erërat të fillojnë të fryjnë fillimisht nga perëndimi e pastaj nga jugu. Kjo do të shënojë edhe ndryshimin e gjendjes sinoptike dhe fillimin e ndikimit të masave ajrore me origjinë nga Mesdheu. Temperaturat gjatë fundjavës pritet të shënojnë ngritje dhe reshjet atmosferike do të pushojnë, kurse në fillim të javës së ardhshme do të kemi reshje të reja afatshkurtëra shiu dhe erëra jugore./Meteoballkan
