Temperaturat siberike po mbizotërojnë rajonin tonë, ndërsa edhe nata e sontme pritet të jetë mjaft e ftohtë, me temperatura minimale që do të lëvizin nga – 5 deri në -10 gradë Celsius e në viset malore edhe më ftohtë.
Temperaturat ditore kanë filluar të rriten dhe kjo është ndjerë sot në mesditë dhe orëve të pasdites. Po ashtu edhe erëra e akullta janë dobësuar dhe kjo ndikuar në uljen e ndjesisë subjektive të të ftohtit siberik.
Anticikloni i fuqishëm ka larguar vranësirat dhe moti kryesisht i kthjellët do të vazhdojë, ndërkohë që nëpër disa lugina gjatë mëngjesit mund të ketë mjegull.
Përpos natës së sontme kemi edhe një natë tjetër mjaft të ftohtë, ndërsa acari do të zbutet gjatë fundjavës duke rritur temperaturat minimale dhe maksimale.
Ditën e diele pritet një front i dobët ajror i cili do të sjellë vranësira dhe reshje lokale bore në Kosovë. Në zonat më të ulëta ato mund të shndërrohen në riga shiu. Nuk priten reshje të mëdha./MeteoBallkan
