Sot në Kosovë do të mbajë mot kryesisht i kthjellët, i këndshëm, me diell dhe i nxehtë. Pasdite mund të ketë zhvillime të rralla dhe të izoluara të ndonjë vranësire, me mundësi minimale për ndonjë rigë të izoluar shiu në ndonjë rajon.
Në Shqipëri, Maqedoninë Veriore dhe Mal të Zi sot do të mbajë mot kryesisht me diell, por vende-vende do të ketë zhvillime të vranësirave. Në juglindje të Shqipërisë dhe disa pjesë të Maqedonisë së Veriut mund të ketë ndonjë rrebesh të izoluar shiu pasdite.
Nesër na pret edhe një ditë mjaft e nxehtë, por do të kemi alternime vranësirash dhe intervaleve kohore me diell. Pritet gjithashtu edhe fuqizim i erërave jugore të cilat do të jenë një paralajmërim për afrimin e frontit të fuqishëm të ftohtë ajror nga veriu i cili pritet të arrijë të martën vonë.
Të martën pasdite pritet përkeqësim i motit. Pritet të fillojnë reshje shiu të cilat në viset kodrinore-malore shpejt do të shndërrohen në reshje bore. Reshje bore gjatë orëve të vona priten edhe në disa ultësira të Republikës së Kosovës. Në veri të Shqipërisë dhe disa pjesë të Dukagjinit priten reshje intensive, por të cilat nuk do të zgjasin shumë. Vende-vende mund të ketë edhe rrebeshe shiu me vetëtima dhe bubullimë.
Nga e mërkura përsëri pritet të kemi stabilizim dhe kthjellim gradual të motit por do të jetë freskët dhe ftohtë (një natë ose dy), por temperaturat do të rikuperohen shumë shpejt./Meteoballkan
