Ura që lidh rajonet Ava dhe Sagaing në Mianmar u shemb pasi një tërmet i fuqishëm goditi pjesën qendrore të vendit, sipas pamjeve video të ndara në rrjetet sociale.
Në pamje duket se pjesë të Urës së Vjetër në Sagaing ranë në lumin Irrawaddy, i cili kalon nga veriu në jug të vendit.
Sipas Shërbimit Gjeologjik të Shteteve të Bashkuara (USGS), tërmeti kishte një magnitudë prej 7.7 dhe ishte në një thellësi prej 10 km (6.2 milje), duke e bërë atë një nga tërmetet më të forta të regjistruara kohët e fundit në rajon.
Lëkundjet u ndjenë në një zonë të gjerë, përfshirë vendet fqinje si Tajlanda dhe Bangladeshi, por edhe në Kinë.
Ndryshe, autoritetet në rajon po ndjekin situatën me kujdes, duke vlerësuar ndikimin e tërmetit dhe duke paralajmëruar qytetarët për mundësinë e pasgoditjeve.
#BREAKING A 7.9-magnitude earthquake struck Myanmar, according to the China Earthquake Networks Center.
Neighboring regions, including Thailand and China's Yunnan Province, felt significant tremors. #Myanmar #earthquake pic.twitter.com/qgRHQ7ltjl
— 鳳凰資訊 PhoenixTV News (@PhoenixTV_News) March 28, 2025
Qytetarët janë këshilluar të qëndrojnë vigjilentë dhe të ndjekin udhëzimet e sigurisë për të shmangur rreziqet e mëtejshme.
