Emiratet e Bashkuara arabe janë ndër vendet më të thata në planet me reshje të pakta atmosferike. Vendi ka bërë eksperimente duke përdorur teknologjinë e hedhjes së kripës në atmosferë për të “mbjellur retë”. Sasia e reshjeve është rritur pak por autoritetet dhe qytetarët nuk janë të kënaqur sepse sasia mesatare e reshjeve të shiut në vend është vetëm rreth 100 mm në vit.
Në vitin 2017 qeveria ka shpenzuar rreth 15 milion dollar për projekte të ndryshme për krijimin e shiut artificial. Një projekt të tillë eksperimental janë duke e udhëhequr shkencëtarët e Redingut nga Britania e Madhe thekson BBC.
Projekti synon përpjekjet për të ndryshuar balancën e shkarkimeve atmosferike dhe në këtë mënyrë për të shtuar ngarkesën e pikave të ujit ose molekulave të ajrit në vranësira në atmosferë.
Rajoni i Emirateve karakterizohet me “vranësira të shpeshta”, por të cilat nuk sjellin reshje atmosferike. Ideja është rritja e grimcave të molekulave të ajrit në re, përmes bashkimit të tyre dhe në këtë mënyrë ato bien në formë shiu me ndihmën e vetëtimave statike.
“Dronët e pajisur me ngarkesa të cilat ngacmojnë shkarkesavet elektrike do të fluturojnë në shtresa të ulëta të atmosferës dhe në këtë mënyrë “inkurajohen” reshjet e dendura ose rrebeshet e shiut” thekson Alya Al-Mazroui, drejtoreshë e Institutit për kërkime shkencore për përmirësimin ose shtimin e reshjeve të shiut të Emirateve të Bashkuara Arabe.
Dronët do të testohen gjatë javëve të ardshme transmeton BBC./Meteoballkan
