Instituti eksperimental për studimin e stuhive në token evropiane Estofex ka dal me parashikimin më të ri për Evropën ditën e Premte ashtu siç lajmëruam ditën e djeshme sot ka potencial të jashtëzakonshëm për krijimin e disa stuhive apo shtrëngatave mjaft të fuqishme në disa nga vendet evropiane duke përfshirë edhe Gjermaninë, vendi ku po mbahet Kampionati Evropian i futbollit.
Sipas Estofex stuhitë më të fuqishme sot pritet të ndodhinë në Italinë veriore-qendrore dhe sidomos verilindore, pastaj Gjermania lindore dhe Çekia pritet të goditen nga stuhi të fuqishme superqelizore, madje priten edhe tornado ngase janë të shënjuar me nivelin më të lartë të rrezikshmërisë me numrin 3. Shtrëngata mjaft intensive priten edhe në shumë zona të Austrisë dhe në Poloninë jugperëndimore.
Në zonat përreth këtyre rajoneve që i përmendëm po ashtu priten shtrëngata lokale të shënjuara me numrin 2 nivel po ashtu i lartë i rrezikshmërisë për breshër masiv dhe ndonjë tornado “më e butë”.
Më së shumti probabilitet për ndonjë tornado eventuale sipas Estofex ka në Italinë veriore dhe verilindore. Stuhitë e fuqishme pritet të afrohen Ballkanit kësaj radhe, madje disa nga to parashihen të zhvillohen edhe në Slloveni dhe Kroaci, madje edhe në disa vise në Bosnjë dhe Hercegovinë. Në këto shtette Ballkanike shtrëngata të fuqishme lokale priten në fundjavë.
Përndryshe Ballkani e sidomos territoret tona sot janë “pushtetin e plotë” të anticiklonit stabil i cili garanton mot stabil, me diell dhe shumë të nxehtë veror. Përkeqësim gradual të motit edhe në territoret tona presim gjatë fundjavës me stuhi fillimisht krejtësisht të izoluara vetëm në disa zona, ndërsa i nxehti veror vazhdon, por me freskime lokale në zonat e reshjeve e vranësirave.
Java e ardhshme sipas të gjitha gjasave me rrebeshe dhe shtrëngata të herëpashershme shiu, shumë më të rralla në viset bregdetare./MeteoBallkan
