Në këtë javë pritet të mbizotërojnë temperatura pranverore në Evropë. Sewere Weather Europe, paralajmëron temperatura mbi 20 gradë Celsius përgjatë Evropës lindore dhe qendrore dhe pjesërisht në Evropën jugore.
“Temperaturat e pasdites do të të jenë më të larta se 20 gradë Celsius”, shkruan SWE.
Temperaturat do ta arrijnë kulmin nga mesi i javës, ndërkaq do të fillojnë të bien rreth fundjavës. Një front i ftohtë ajror nga Atlantiku Verior mund të depërtoje në Evropën Perëndimore kah fundi i javës.
Modelet e parashikimit kanë dhënë indikacione se masa ajrore do të jetë e shumë e nxehtë, më lartë se temperaturat normale që duhet të jenë në mes të marsit në shumë vende të Evropës jugore dhe qendrore.
Megjithatë, temperatura më të ulëta do të mbizotërojnë në Turqi, Britani të Madhe dhe Irlandë. Në këto tri vende pritet të kemi mot të ftohtë, përderisa pjesa më e madhe e Evropës do të kënaqet me temperaturat e larta.
Këto dy-tri ditë të nxehta, mund të nxisin edhe më shumë lulëzimin e pemëve, që tashmë janë parë në shumë pjesë të Evropës dhe të Kosovës. /MeteoBallkan/
