Edhe pse kemi edhe një javë para fillimit zyrtar të stinës më të nxehtë të vitit, tani mund të konfirmojmë se vera do të filloi ashtu siç e meriton epitetin e kësaj stine me një nxehtësi mjaft të fuqishme në rajonin tonë.
Siç po vërehet edhe në fotografinë kryesore ngjyra e kuqe me mbyllur është më e dendura pikërisht në viset tona që tregon për një nxehtësi mjaft intensive, pra dy tri ditët e para të kësaj vere më të nxehtat në Evropë do të jenë në Ballkan.
Këtë e konfirmon edhe gjendja sinoptike ku shihet një rritje të theksuar të presionit atmosferik mbi Ballkan që nënkupton mbizotërimin e masave ajrore stabile dhe të thata anticiklonike.
Shiu i cili ra gjatë natës së kaluar dhe këtë mëngjes ka rëndësi të jashtëzakonshme për ato rajone që përfituan nga këto reshje. Reshjet ishin intensive sidomos në Republikën e Kosovës.
Gjatë periudhës së ardhshme deri të fillimi i valës së re mjaft të fuqishme të nxehtësisë verore nuk priten më reshje më gjithëpërshirëse, megjithatë atmosfera nuk do të jetë tërësisht stabile. Destabilizim të atmosferës presim të Hënën pasdite, por reshje nuk do të ketë në tërë territorin. Edhe ditëve tjera mund të ketë ndonjë reshje të izoluar, por në përgjithësis përpos të hënës ditët e ardhshme parashihen të jenë të thata, nëse nuk ndodh ndryshim i papritur në parashikim.
Pra, Temperaturat tani e tutje do të shënojnë rritje graduale, kurse me afrimin e ditëve të para zyrtare të verës do të kemi një valë mjaft të fuqishme të vapës verore ku temperaturat në Kosovë do të shkojnë mbi 35 gradë Celsius, kurse në Ballkan priten 40 -shi i parë për këtë sezonë verore.
Detaje tjera në ditët e ardhshme./MeteoBallkan
