Një ciklon është krijuar në Mesdhe shumë në territorin Italian dhe ky ciklon do të shkaktojë destabilizim të motit, por asgjë ekstreme. Vranësirat do të shpeshtohen dhe në shumë pjesë të Ballkanit sot ka reshje intensive dhe rrebeshe shiu e në viset kodrinore-malore ka reshje shqote e bore.
Reshje shiu ka në Slloveni, Kroaci ku vende-vende janë mjaft intensive, Bosnjë dhe Hercegovinë dhe pastaj priten edhe në Mal të Zi dhe pjesë të Shqipërisë sepse cikloni rrugëton nga Italia në drejtim të Greqisë duke sjellur vranësira dhe reshje lokale edhe në viset tona.
Në Kosovë dhe Maqedoninë Veriore po ashtu do të ketë shtim të vranësirave, por ende me reshje të pakta lokale shiu. Reshje paksa më intensive priten gjatë fundjavës kur kemi ulje të temperaturave dhe afërsinë me ciklonin.
Fillimisht reshjet do të jenë të karakterit lokal, pastaj të dielën priten në tërë territorin e Republikës së Kosovës, ndërsa borë vetëm në viset kodrinore-malore sepse kemi një rritje të temperaturave, por nuk përjashtohet mundësi që reshje shqote e bore të ketë edhe në disa zona më të ulëta mbidetare, por jo në ultësirat më të ulëta.
Pra, para nesh një mot pak më dinamik, fillimisht me reshje lokale, më intensive në Shqipëri dhe Mal të Zi, pastaj reshje në tërë rajonin gjatë fundjavës me ulje të temperaturave.
Në Ballkan në shtetet e lartpërmendura priten reshje intensive që nga sot me borë të dendur në disa nga viset malore.
Marsi sipas parashikimeve aktuale na sjellë temperatura pranverore, pas frontit të ftohtë të fundjavës dhe fillimit të javes së re./MeteoBallkan
