Fronti i ftohtë atmosferik i paralajmëruar shumë shpeshë në postimet tona ka përfshirë pjesën veriore të vendit dhe po përpraron drejt jugut, ndërsa rrebeshe shiu ka edhe në kryeqytetin tonë Prishtinë.
Si pasojë temperaturat kanë pësuar ulje në veri dhe verilindje, pir ende është paksa ngrohtë në jug.
Fronti do të përparojë drejt jugut dhe perëndimit me rrebeshe shiu të cilat mund të jenë intensive. Në viset më të larta malore priten reshje të dendura bore.
Të gjitha do të jenë kalimtare, ngase fronti është kalimtar dhe i shpejtë, por sot nuk duhet llogaritur në përmirësim të motit.
Përmirësim i motit pritet të kemi nesër, kurse të premten vjen cikloni me rrebeshe po ashtu intensive shiu. Ky ciklon do të tërheq një sasi më të madhe ajri polar në territoret tona dhe priten ulje të ndjeshme të temperaturave dhe fjolla sporadike bore edhe në disa ultësira të Kosovës. Në viset kodrinore-malore priten shtresa bore./MeteoBallkan
