Fronti i ftohtë i cili do të depërtojë gradualisht gjatë orëve të hershme të mëngjesit të së martës do të kontribuojë në largimin e pluhurit saharian nga atmosfera mbi territoret tona.
Pluhuri Saharian ka “pushtuar” Evropen dhe Ballkanin si rrallë më parë masivisht, por ky fenomen nuk është i rrezikshëm dhe nuk është jo-normal.
Ndodhë zakonisht kur favorizohet nga gjendja sinoptike e cila sjellë rrymime të forta ajrore nga Afrika veriore në drejtim të Evropes. Kombinimi i cikloneve dhe anticikloneve nganjëherë hap rrugën e kurrentëve ajrore direkt nga Afrika veriore në Evropë dhe Ballkan dhe kjo ka ndodhur kohëve të fundit.
Përderisa në Iberi dhe Francë kemi masa shumë të fuqishme ciklonike dhe rrebeshe shumë intensive shiu me vetëtima, bubullimë, breshër dhe borë në viset e larta malore, por ashtu është regjistruar edhe tornado në Lisbonë të Portugalisë. Njëkohësisht në Mesdheun qendror dhe juglindje të Kontinentit të Vjetër kemi të pozicionuar anticiklonin e ngrohtë afrikan.
Fronti i ftohtë ajror që po vjen nga veriperëndimi do të largojë pluhurin Saharin nga viset tona gjatë ditës së Martë. Reshjet atmosferike do të ketë sidomos në Mal të Zi dhe veri të Shqipërisë. Në Kosovë reshjet do të jenë të pakta, lokale dhe afatshkurtra, por nuk përjashtohet mundësia për ndonjë rrebesh të fuqishëm lokal.
Nga e marta e tutje më nuk do të kemi koncentrime të larta të grimcave sahariane në viset tona, por pluhuri Saharian mund të kthehet përsëri fundjavën e ardhshme kur temperaturat do të rriten përsëri afër 30 gradë Ceslius./MeteoBallkan
