Për disa ditët e ardhshme nuk kemi çka të flasim. Nën ndikimin e fuqishme anticiklonik na pret mot plotësisht i thatë dhe nën ndikimin e masave mjaft të nxehta ajrore me origjinë nga Afrika veriore na pret mot mjaft i nxehtë.
Ndërkohë frontet e freskëta nga Atlantiku fillojnë të vijnë më shpesh në qendër të Evropes duke arritur deri në Slloveni ku priten disa stuhi mjaft të fuqishme shiu me vetëtima, bubullimë, rrebeshe intensive dhe breshër.
Stuhi të fuqishme pothuajse çdo ditë kemi edhe në veri të Italisë.
Në viset tona pa ndonjë ndryshim të paktën edhe 5 ditë, por për fundjavë përreth disa viseve malore do të ketë zhvillime të rrebesheve të izoluara të shiut me vetëtima, bubullimë dhe breshër. Temperaturat ende mbesin shumë të larta.
Duke hyrë në javën e re do të vazhdojë pa ndërprerje vapa e fortë verore.
Megjithatë, diku afër datave 8 dhe 9 Korrik një ciklon i fuqishëm me qendër në Skandinavi do të shtrihet me frontet e tij të ftohta deri në Ballkan. Si pasojë do të kemi freskim të motit dhe destabilizim.
Sipas ecurive aktuale sinoptike në Ballkan priten stuhi të fuqishme shiu, por të gjitha do të jenë kalimtare, ndërsa në viset tona po ashtu do të ketë reshje kalimtare shiu intensiteti i të cilave ende nuk dihet.
Pra lajmi i fundit është se vazhdon vapa e fuqishme verore deri afër datave 8 apo 9 Korrik. Freskimi i motit rreth këtyre datave është pothuajse i sigurt, por mbetet ende të shihet se a do të kemi reshje atmosferike dhe kjo mbetet ende enigmatike.
Sipas ecurive aktuale sinoptike freskia mund të zgjasë dy ose tri ditë, për tu pasuar pastaj me valë të reja nxehtësie./MeteoBallkan
