Pas vapes së fuqishme të këtyre ditëve frontet nga Atlantiku janë afruar edhe më shumë në Ballkan dhe pikërisht sot pritet destabilizim i fuqishëm i motit në shtetin e Sllovenisë ku priten vranësira të dendura me rrebeshe të fuqishme shiu me vetëtima, bubullimë dhe mundësi për breshër.
Për shkak të temperaturave të larta dhe ardhjes së masave ajrore jo-stabile priten zhvillime të fuqishme dhe procese atmosferike që mund të shkaktojnë probleme me ujë të madh për një kohë të shkurtër, erëra shumë të fuqishme dhe breshër të madh.
Sllovenia do të jetë shteti i parë i goditur dhe freskuar nga këto fenomene normale verore, pas veriut të Italisë dhe Austrisë.
Fatkqësisht bllokada shumë e fuqishme anticiklonike nuk do të lejojë që këto zhvillime të arrijnë në viset tona.
Megjithatë, një periferi e dobët e këtyre masave ajrore mund të shkaktojë destabilizim të motit në disa vise malore gjatë fundjavës. Mund të ndodhë edhe në ndonjë rajon tjetër, por piktura e përgjithshme për rajonet tona është vapa e fuqishme dhe thatësia që tani po merr përmasa shqetësuese.
Stuhi dhe rrebeshe përpos Sllovenisë priten edhe në disa pjesë të Kroacisë, pastaj në Bosnjë dhe Mal të Zi më pak. Reshje dhe rrebeshe shiu në këto zona priten gjatë dy tri ditëve të ardhshme (jo pa ndërpre) ku sidomos në Slloveni dhe disa pjesë të Kroacisë priten reshje intensive.
Në viset tona vapë e madhe deri në javen tjetër, pastaj freskim i motit, por fatkeqësisht pa ndonjë shanse të madhe për reshje atmosferike./MeteoBallkan
