Cikloni i cili shkaktoi destabilizim masiv të atmosferës, po shuhet dhe tani ka vetëm vranësira e rrebeshe të rralla sporadike në pak territore tona dhe pak më shumë në territoret përreth. Fatmirësisht stuhitë e paralajmëruara për të Enjten nuk ndodhën në shumë zona me intensitet të lartë dhe kjo është pozitive ngase stuhitë e ditëve të kaluara shkaktuan dëme të mëdha, por kjo tregon se sa i vështirë është nganjëherë parashikimi i motit edhe nga modelet më të sofistikuara globale kompjuterike.
Sot atmosfera është më e qetë, por me vranësira në disa zona dhe me ndonjë rrebesh sporadik shiu dhe kështu do të vazhdojë deri në mbrëmje ku ende mund të ketë ndonjë rrebesh sporadik shiu vetëm në disa zona të lokalizuara. E Shtuna na sjellë mot edhe më të mirë, por ende do të vërehen mbetjet ciklonike ku mund të ketë ndonjë rigë ose rrebesh sporadik afatshkurtër, megjithatë moti do të stabilizohet pothuajse plotësisht.
Të dielën do të kemi të nxehtit afrikan që vjen vrullshëm me rritje rapide të temperaturave po ashtu parashihet mot i kthjellët dhe stabil. Shumë e nxehtë do të jetë edhe e hëna, kurse sipas parashikimeve aktuale të Martën parashihet të kemi destabilizim mjaft intensiv të motit me rrebeshe intensive shiu me vetëtima, bubullimë dhe mundësi për breshër.
Temperaturat pas rritjes intensive në vikend dhe ditën e parë të javës së re do të shënojnë ulje të ndjeshme nga e marta, sepse sistemi frontal nga veriperëndimi apo fronti i ftohtë do të jetë mjafti fuqishëm.
Informacione tjera dhe detaje gjatë fundjavës./MeteoBallkan
