Cikloni nga Italia kaloi mbrëmë përmes Detit Adriatik dhe Jon duke rrugëtuar në drejtim të Greqisë. Cikloni solli ulje të temperaturave dhe reshje shiu e bore në viset malore. Reshjet e parapara të borës në disa zona nuk ndodhën ose u dobësuan plotësisht.
Pas ciklonit kemi anticiklonin i cili depërton shkurtimisht, ndërsa gjatë natës do të kemi kthjellim të motit dhe acar në disa zona, pasi që kthjellimi nuk do të jetë i plotë.
Në këto çaste kemi ciklonin masiv në Atlantikun verior i cili do të fillojë të rrugëtojë me shpejtësi të madhe në drejtim të viseve tona. Kur ky ciklon arrin në Alpe dhe veri të Italisë do të krijohet një super-ciklon sekondar diku në Gjirin e Gjenovës së Italisë dhe pikërisht ky ciklon do të vjen direkt në territoret tona dhe është dukshëm më i fuqishëm se ky që lamë pas. Pasi që kemi mbetje të ajrit të ftohtë reshjet që do të fillojnë të Hënën mund të jenë në formë dëbore në shumë pjesë të Kosovës dhe viset kodrinore-malore të rajonit. Gjatë ditës së Hënën për shkak të rritjes së lehtë të temperaturave bora do të bëhet shi në disa zona, për tu rikthyer prapë në borë orëve të pasdites apo mbrëmjes.
Pra, të dielën kthjellim i motit dhe acar në mëngjes dhe mbrëmje. Të Hënën vjen cikloni i ri me reshje të reja shiu e bore dhe kjo masë ciklonike do të jetë prezente disa ditë duke sjellur episode të herëpashershme reshjesh atmosferike shi dhe borë varësisht nga rajoni në rajon, por në Kosovë reshjet do të jenë kryesisht në formë dëbore./MeteoBallkan
