Nën ndikimin e fuqishëm anticiklonik kemi mot stabil dhe kryesisht me diell siç shihet edhe në imazhin satelitor vranësirat janë krejtësisht të pakta dhe lokale, ndërsa vranësirat e shiut janë shumë larg viseve tona. Vetëm erërat e freskëta veriore dhe verilindore “prishin” sadopak qetësinë e kësaj dite.
Dita e parë e Majit e cila në viset tona njihet si ditë festive për shëtitje në natyrë do të karakterizohet me mot kryesisht stabil dhe me diell, por në lindje të Evropës do të kemi ardhjen e një fronti të dobët, të ftohtë ajror i cili do të shkaktojë destabilizim të motit atje. Ky front do të ndikojë shumë pak në viset tona dhe nuk përjashtohet mundësia që në disa vise të Kosovës të ketë zhvillime të vranësirave orëve të pasdites së të Enjtes duke gjeneruar ndonjë rrebesh të izoluar shiu me vetëtima dhe bubullimë. Probabilitetin më të lartë për ndonjë rrebesh të pasdites apo mbrëmjes kanë viset kodrinore-malore në lindje dhe juglindje të Kosovës, veçanërisht Malet e Sharrit dhe rajonet përreth.
Në viset tjera nuk priten zhvillime ose mund të ketë ndonjë zhvillim krejtësisht të izoluar. Temperaturat do të jenë ideale për shëtitje në natyre dhe ato maksimale pritet të lëvizin kryesisht nga 20 deri në 24 apo 25 gradë Celsius maksimalja.
E Premtja sjell mot të ngjashëm, kryesisht me diell dhe me ndonjë zhvillim të izoluar dhe atë me probabilitet më të lartë në malet e Shqipërisë dhe aty-këtu në viset tjera. Në prëgjithësi pritet mot stabil, me ndonjë përjashtim.
Fundjava vjen me mot krejtësisht stabil, me diell, vranësira kalimtare dhe mjaft të ngrohtë. Erërat nga verilindja do të pushojnë dhe do të ndryshojnë drejtim duke filluar të fryjnë kryesisht nga perëndimi./MeteoBallkan
