Rajoni ynë po vazhdon ende të jetë nën ndikimin e masave ajrore me presion të ulët atmosferik dhe “çuditërisht” këto masa ajrore kanë shumë pak lagështi dhe kondensim dhe nuk po sjellin reshje atmosferike, përpos disa rigave të dobëta ose fjollave të dobëta sporadike.
Gjendje e njëjtë do të vazhdojë deri të martën kur pritet që presioni i ajrit të rritet dhe kjo do të jetë indikacion se fushat ajrore me presion të lartë atmosferik (fusha anticiklonike) do të marrin situatën nën kontroll duke kushtëzuar mot edhe më të thatë, me mëngjese të ftohta me mundësi për mjegull dhe ngrica, ndërsa ditët do të jenë relativisht të ngrohta ose nëse e marrim para sysh se do të jemi në mes të Dhjetorit mund të themi lirisht se ditët do të jenë të ngrohta, përpos atyre rajoneve ku eventualisht do të ketë mjegull ose vranësira të ulëta.
Të dielën dhe të hënën sporadikisht në disa rajone mund të ketë fjolla afatshkurtra bore./Meteoballkan
