Vranësirat janë larguar pothuajse plotësisht pas rrebesheve intensive të natës së kaluar, ndërsa tani kemi ndikimin anticiklonik i cili ka stabilizuar plotësisht atmosferën, ndërsa rrebeshe priten vetëm në disa zona dy tri ditët e ardhshme.
Në shumicën e sipërfaqes së territoreve tona do të mbajë mot kryesisht me diell gjatë ditëve të ardhshme, por depërtimi i një sasie të vogël të ajrit jo-stabil mund të shkaktojë destabilizime të izoluara sidomos pasditen e së hënës, por rrebeshe të izoluara mund të ketë edhe pasditen e së dielës dhe të martën. Zonat të cilat mund të ketë rrebeshe të izoluara janë viset kodrinore-malore në veri të Republikës së Kosovës, pastaj veriperëndim dhe po ashtu shanse të mëdha ka edhe juglindja e Republikës. Rrebeshe të izoluara priten edhenë zonat malore të Maqedonisë së Veriut, kurse rrallëkund ndonjë në Shqipëri mund të ketë ndonjë rrebesh këto ditë.
Kryetemë e këtyre ditëve do të jetë vala e nxehtësisë e cila po vjen ditëve të para të verës 2024, e cilat mund ët jetë intensive, por asesi diçka ekstreme. Këto fenomene janë plotësisht natyrale dhe kanë ndodhur gjithnjë dhe nuk ka asgjë të jashtëzakonshme.
Pra, gjatë ditëve të ardhshme na pret mot kryesisht me diell dhe i nxehtë veror. Zhvillimet e rrebesheve të izoluara do të jenë prezente orëve të pasdites vetëm në disa vende për të cilat do të flasim në postimet e ardhshme.
Temperaturat do të shënojnë rritje progresive, ndërsa gjatë javës së re fillon vala më e re e nxehtësisë tropikale./MeteoBallkan
