Fronti i fuqishëm i ftohtë ajror solli fundin e valës së gjatë dhe mjaft të fuqishme të nxehtësisë së kësaj vere, por valë tjera priten përsëri sepse ende jemi në fillimet e stinës së verës.
Gjatë kalimit të frontit të ftohtë pati erëra të fuqishme të cilat vazhduan edhe pas kalimit të tij dhe disa rajone pati reshje mjaft të rëndësishme shiu që kontribuoi në zbutjen e thatësisë së madhe dhe rimëkëmbjen e kulturave bujqësore të lodhura nga vapa e madhe dhe thatësia.
Rrebeshe lokale mund të ketë ende në disa zona, por do të vijnë duke u rralluar.
Megjithatë, rajone të shumta prapë pati shumë pak reshje dhe po ashtu në disa rajone nuk pati fare reshje shiu.
Pas frontit të ftohtë temperatura pësuan ulje të ndjeshme dhe vranësira të shumta sollën vende-vende intensive shiu.
Tani presim disa netë dhe mëngjese mjaft të freskëta në viset kontinentale sidomos në Kosovë, por temperaturat do të fillojnë të rriten shumë shpejt nga fundjava.
Masat ciklonike tani janë larguar shumë shpejt dhe mbi rajon depërtojnë masa të fuqishme anticiklonike të cilat do kushtëzojnë mot kryesisht të thatë, por dita e Enjte mund të sjellë vranësira të shumta dhe riga lokale shiu në disa zona të Kosovës kryesisht të dobëta
Anticikloni i fuqishëm do të konsolidohet sidomos gjatë fundjavës kur pritet stabilizim i plotë i motit, por do të ketë disa gjasa për zhvillimin e rrebesheve të izoluara të shiut kryesisht në disa vise kodrinore-malore.
Temperaturat do të shënojnë rritje të ndjeshme duke filluar të shtunën e veçanërisht të dielën.
Në Shqipëri pati më pak reshje dhe kthjellimet rikthehen menjëherë nga e Enjta. Reshje shumë të pakta pati edhe në Maqedoninë e Veriut.
Informacione të reja gjatë mbrëmjes në MeteoBallkan./MeteoBallkan
