Dimër shumë i ashpër dhe i vërtetë ka përfshirë Evropen veriore këto ditë dhe temperaturat kanë zbritur deri në -44 gradë Celsius, ndërsa pati edhe reshje të stuhishme bore dhe atmosferë dimërore.
Në anën tjetër Evropa perëndimore dhe jugore ende gjenden nën ndikimin e masave mjaft të ngrohta ajrore me origjinë nga Atlantiku dhe Mesdheu, ndërkohë që i ftohtë polar shumë shpejt depërton në Evropen qendrore dhe perëndimore e pastaj edhe në Gadishullin Ballkanik.
Lokalisht priten reshje bore dhe temperaturat do të shkojnë në “minus” edhe në zonat më të ulëta të rajonit, ndërsa trashësia e borës nuk do të jetë aq e madhe. Dimri te ne dhe në perëndim nuk do të jetë i ashpër sikur në Skandinavi.
Edhe dy ditë do të jemi nën ndikimin e masave të ngrohta ajrore. Temperaturat fillojnë të bien të dielën, ndërsa i ftohti polar arrin të hënën duke ulur temperaturat në Kosovë rreth 0 gradë dhe në minus në pjesën më të madhe të vendit, por nuk priten “minuse” të thella.
Temperaturat minimale gjatë javës së re parashihen afërsisht nga -4 deri në -8 gradë Celsius, ndërsa ato maksimale ndonjë ditë mund të mbesin në 0 ose “minus”, por shumë shpejtë do të dalin në “plus”.
Reshjet e borës do të jenë kryesisht të pakta, por ky do të jetë një fillim për mundësinë e “përshkallëzimit” të dimrit gjatë Janarit dhe Shkurtit./MeteoBallkan
