Goditja e fuqishme Siberike e cila pritet nga e premta e sidomos të shtunën do të na sjellë edhe reshje kalimtare bore sidomos Shqipërisë. Pra, përpos erërave të fuqishme dhe të ftohta veriore dhe verilindore në Shqipëri priten edhe reshje bore. Normalisht, nuk priten reshje intensive, por reshje kalimtare të cilat mund të krijojnë edhe shtresa simbolike. Sipas dajleve më të reja nga modellet kompjuterike reshje kalimtare bore mund të ketë edhe Durrësi dhe Lezha, pastaj Tirana, Elbasani , Fieri dhe qytete tjera në drejtim të jugut të Shqipërisë. Në Vlorë dhe Sarandë priten reshje shiu, por nuk përjashtohet tërësisht mundësia për reshje afatshkurtëra bore pas reshjeve të shiut.
Reshje afatshkurtëra bore mund të ketë edhe në Shkodër. Reshje më të mëdha bore priten në Maqedoni, kurse reshje dhe stuhi të fuqishme bore priten në Greqi, Bullgari, Rumani dhe Turqi. Reshje kalimtare bore me erëra mjaft të fuqishme veriore do të kemi edhe në Kosovë.
Informacione dhe detaje tjera nesër në Meteoballkan./Meteoballkan
