Instituti Evropian për monitorimin dhe parashikim e stuhive konvektive (Estofex) ka parashikuar rrezikshmëri mjaft të lartë për disa zona në Evropë me potencial për shtrëngata shumë të fuqishme, breshër, madje edhe tornado.
Kemi theksuar në disa postime paraprake për depërtimin e mases së fuqishme ajrore të nxehtë me origjinë nga Afrika veriore dhe masës ajrore të paqëndrueshme nga Atlantiku që vjen përmes Francës, Spanjës, Britanisë së Madhe etj. varësisht nga lëvizjet e masave ajrore dhe qarkullimi i Atlantikut.
Pikëtakimi i këtyre masave ajrore dhe dallimi shumë i lartë në temperatura dhe faktorë tjerë krijohen kushte të volitshme për krijimin e stuhive të fuqishme konvektive që prodhojnë rrebeshe të rrëmbyeshme shiu me vetëtima dhe bubullimë dhe breshër, ndërsa në kushte të caktuar krijohen edhe tornadot dhe kjo mund të ndodhë sipas Estoxef dy tri ditët e ardhshme në pjesë të Italisë veriore, ndonjë rajon në Slloveni, pastaj edhe në Hungari. Nuk përjashtohet mundësia edhe për Austrinë, Kroacinë, Bosnjën dhe Hercegovinë, Serbinë dhe Rumaninë.
Territoret tona gjenden pak larg këtyre zhvillimeve fatmirësisht dhe ne do të jemi nën ndikimin e masave mjaft të nxehta ajrore dhe kryesisht stabile, por mund të ndodhin surpriza ngase ndonjë ditë edhe te ne mund të kemi ndonjë stuhi të izoluar, por të fuqishme, megjithatë as për së afërmi sikur në vendet e lartëpërmendura.
Estoxes ka nënvizuar rajonet më të rrezikuara me numrin 3, pra rrezikshëri për breshër gjigand dhe tornado.
Këto lloj zhvillimesh janë plotësisht normale dhe nuk janë të pazakonshme në muajt më të nxehtë të verës, por të shpresojmë që këto të mbesin vetëm parashikime dhe të mos të shkaktojnë dëme të mëdha.
Si zakonisht viset tona po shpëtojnë nga stuhitë e mëdha të paktën tani për tani./MeteoBallkan
