Në Oqeanin Atlantik stuhia e fuqishme Kirk kishte statusin e uraganit si një stuhi mjaft e fuqishme, por udhëtimi i stuhisë nëpër ujërat pak më të ftohta të Atlantikut ka reduktuar fuqinë e saj duke e shndërruar në një të ashtuquajtur stuhi extra-tropikale.
Megjithatë Kirk ende mbetet e fuqishme dhe pritet të vijë direkt në Evropë me reshje intensive dhe erëra të fuqishme, por nuk priten dëme shumë të mëdha.
Stuhia Kirk është afruar veriut të Portugalisë dhe Spanjës ku pritet impakti periferik me rrebeshe intensive dhe erëra të fuqishme. Shira të rrëmbyeshëm priten sidomos në veri-veriperëndim të Spanjës, kurse pas Spanjes cikloni i fuqishëm do të përshkojë territorin francez me erëra të fuqishme dhe shira të dendur. Edhe pse cikloni do të dobësohet, megjithatë mund të ketë ende erëra mjaft të fuqishme dhe shira të mëdha që mund të shkaktojnë dëme të konsiderueshme materiale.
Cikloni pritet të përshkojë edhe Luxemburgun, Belgjiken Holandën, pastaj Gjermaninë dhe do të zhvendoset në Skandinavi duke u shndërruar në një sistem të zakonshëm me presion të ulët atmosferik.
Përderisa Evropa po pret Ish-uraganin Kirk si stuhi extra-tropikale, Amerika po përgatitet për “përbindëshin” Milton stuhinë më të fuqishme në planet këto ditë./MeteoBallkan
