Edhe një javë po kalon dhe moti nuk po stabilizohet në tërësi. Pas shumë ditëve me mot të paqëndrueshëm, duket se edhe kjo javë do të vazhdojë të sjellë mot tipik veror të ndryshueshëm ku përfshihen intervalet e gjata kohore me diell, por edhe ardhjen dhe zhvillimet e fuqishme të vranësirave ditore.
Paradite me shumë gjasa më shumë diell, kurse pasdite me më shumë vranësira dhe zhvillime të rrebesheve lokale të shiut me vetëtima dhe bubullimë. Temperaturat gjatë tërë javës pritet të jenë rreth vlerave mesatare për këtë periudhë kohore, pra as të larta dhe as të ulëta. Ndryshimi do të jetë fundjava ngase do të kemi rritje të ndjeshme të temperaturave.
Pra, nga sot e martë e deri të Premten na pret mot me intervale kohore me diell dhe shpeshherë orëve të pasdite parashihen zhvillime të fuqishme konvektive në atmosferë që si pasojë do të ketë rrebeshe lokale shiu me vetëtima, bubullimë dhe breshër të imët. Vende-vende mund të ketë gjasa për zhvillimin e ndonjë shtrëngate të fuqishme me breshër dhe kjo vlenë për të gjitha vendet tona.
Fundjava sjellë depërtimin e ajrit më të nxehtë me origjinë nga Afrika veriore në drejtim të viseve tona, por do të ketë ende vranësira lokale, kurse orëve të pasdite rrebeshet edhe pse më të rralla, prapëseprapë mund të ndodhin zhvillime të izoluara. Ka disa mundësi që zhvillime mjaft të fuqishme mund të ketë të dielën pasdite pas një dite shumë të nxehtë, megjithatë kjo mbetet për tu parë me afrimin e fundjavës. Në viset bregdetare gjatë fundjavës kryesisht me diell dhe pa jo-stabiletete atmosferike me përjashtim të Malit të Zi dhe veriut të Shqipërisë ku mund të ketë më shumë vranësira, por edhe reshje shiu.
Temperaturat pra, rreth vlerave mesatare e në fundjavë në rritje me përjashtim të Malit të Zi kur priten reshje e vranësira.
Ishte ky parashikimi i motit gjatë kësaj jave kur ende nuk pritet stabilizim i atmosferës. Ndryshime në parashikim mund të ketë dhe për çdo ndryshim eventual do të njoftoheni në postimet tona të përdtishme./MeteoBallkan
