Mes Italisë dhe Shqipërisë në këto çaste kemi një celulë të fuqishme me rrebeshe shiu me vetëtima dhe bubullimë. Riga lokale dhe rrebeshe të izoluara ka edhe në disa vise tjera të vendeve tona.
Orëve të ardhshme në shumë pjesë të Shqipërisë e gjatë nates edhe në Kosovë parashihen rrebeshe lokale shiu me vetëtima dhe bubullimë. Vende-vende mund të ketë rrebeshe intensive që mund të shkaktojnë problematika afatshkurtra apo vërshime të shpejta.
Rritja e temperaturave dhe ajri i paqëndrueshëm do të kushtëzojë destabilizim të fuqishëm të atmosferës edhe ditëve të ardhshme. Përpos intervaleve kohore me diell kur pritet edhe zagushi e fortë, herë pas here priten zhvillime të shrëngatave të fuqishme lokale me rrebeshe intensive, erëra të fuqishme dhe breshër.
Reshje e rrebeshe shiu parashihen në shumë vise, kurse shtrëngatat e fuqishme do të jenë të karakterit lokal./MeteoBallkan
