KEDS përmes mesazheve ka bërë thirrje tek qytetarët që të kursejnë energjinë elektrike meqë konsumi ka kapur nivele shumë të larta dhe është nën ngarkesë të vazhdueshme.
“Thirrje për kursim, konsumi po shënon rekorde! Kërkohet veprim nga të gjithë, kurseni energji, shmangni përdorimin e pajisjeve njëkohësisht”, thuhet në mesazh.
Po ashtu edhe KESCO përmes një komunikate për media u bën thirrje të gjithë konsumatorëve për kursim të energjisë elektrike dhe bashkëpunim të përgjithshëm, në një periudhë kur konsumi po shënon nivele shumë të larta dhe sistemi elektroenergjetik është nën ngarkesë të shtuar.
